Qendra për menaxhim me kriza mëngjesin e sotëm informoi se nga ora shtatë e mëngjesit në të gjithë territorin e vendit janë shtatë zjarre aktive, ndërsa dy janë lokalizuar. Sipas informacionit nga QMK-ja, ka pasur gjithsej 31 zjarre në ambient të hapur, 22 prej të cilave janë shuar.

Aktive mbeten zjarret në fshatin Samokovë dhe midis fshatrave Creshnevë, Lokvicë dhe Sllatinë në komunën Makedonski Brod, pastaj midis fshatrave Bllacë dhe Çuçerit në komunën Çuçer Sandevë, në fshatin Lubanci në komunën Butel, në fshatin Nikoliç në komunën Dojran, si dhe zjarret nën “Solunska Glava” midis vendeve të quajtura “Burimet e Babunës” dhe “Babina dupka” dhe fshatit Krushevicë në komunën e Kavadarit.

Janë lokalizuar zjarret në fshatin Ramne në komunën e Makedonski Brodit dhe tek Deponia e qytetit në komunën e Dellçevës.