Igli Tare ka qenë dje i pranishëm bashkë me administratorin e Milanit, Xhorxho Furlani dhe trajnerin Masimiliano Alegri në një eveniment të organizuar nga BMW, ku ka folur për eksperiencën e tij në këto ditë të para si pjesë e klubit kuqezi.

Drejtori sportiv shqiptar ka folur për situatën me të cilën është përballur te Milani që në startin e kësaj aventure dhe se si kishte gjetur shumë shpejt një akord me Alegrin për të marrë drejtimin e skuadrës.

Jam shumë i befasuar nga organizimi i klubit, që nga fillimi ndjeva se të gjithë ishin të gatshëm të na vendosnin mua dhe Maksin në kushtet më të mira të mundshme për t’u siguruar që ky projekt të fillonte siç duhej.

Kemi ende një rrugë të gjatë për të bërë, jemi në hapat e parë, duhet të jemi besimplotë dhe të aftë në sjelljen e asaj përvoje, atij mentaliteti, asaj diçkaje të vogël shtesë që nevojitet për të përfaqësuar një klub të lavdishëm si Milani.

Zgjedhja e Alegrit? Ne vendosëm me klubin të bënim këtë ndryshim. Na duhej një përgjigje e fortë menjëherë, me një trajner ekspert dhe me mentalitet fituesi si Maks. Dhe nuk kishte dyshim për këtë: pas një telefonate midis tij dhe meje, unë dhe Xhorxho Furlani shkuam në Lugano për të takuar Alegrin. Ishte një takim i këndshëm sepse në ato dy ose tre orë kuptuam se kishte një mirëkuptim, por mbi të gjitha, një dëshirë për të vazhduar këtë udhëtim. Të tre jemi këtu dhe po përpiqemi të bëjmë më të mirën që mundemi”, tha Tare.