FIFA ka publikuar renditjen e re të kombëtareve, ku Shqipëria ka humbur dy pozicione dhe tashmë mban vendin e 68-të.

Për humbjen e këtyre dy pozicioneve siç duket ka ndidkuar barazimi në Tiranë ndaj Serbisë, si dhe barazimi në transfertë ndaj një kundërshtari modest si Letonia, të dyja ndeshjet e vlefshme për kualifikueset e kampionatit botëror.

Hondurasi dhe Gjeorgjia janë skuadrat që kanë kaluar mbi kuqezinjtë. Hondurasi ka edhe skuadrën që ka fituar më tepër pikë gjatë kësaj kohe.

Kosova në anën tjetër vijon të fitojë pozicione. Tashmë mban vendin e 95-të. Ky është edhe rekord i ri për “dardanët”, që më parë mbanin vendin e 97-të. Në krye vijon Argjentina, që ndiqet nga Spanja dhe Franca.