Trupi gjykues i Dhomave të Specializuara në Hagë ka rrëzuar mocionin e mbrojtjes së Hashim Thaçit, Kadri Veselt, Jakup Krasniqit dhe Rexhep Selimit përmes së cilit kërkuan rrëzimin e aktakuzës.

Kryetari i trupit gjykues, Charles Smith, tha se heqja e periudhës para fundit të majit 1998 dhe pas 20 qershorit 1999 do ta fragmentonte rastin. Smith tha po ashtu se rregullat gjyqësore parashohin kundërshtim të pikave të aktakuzës si të tilla e jo kundërshtim të pikave të veçanta, siç ka bërë mbrojtja.

Seanca po vazhdon e mbyllur për publikun.