Një moment “kiss cam” gjatë koncertit të grupit të njohur muzikor Coldplay në Boston u bë viral, kur kamera kap në mënyrë të papritur drejtorin ekzekutiv (CEO) të një kompanie teknologjie dhe drejtoreshën e tij të burimeve njerëzore në një përqafim të dyshimtë.
Frontmeni i grupit, Chris Martin, e komentoi live në koncert momentin duke sugjeruar se ata kanë një aferë, ka raportuar The New York Post.
“Ose kanë një aferë, ose janë thjesht shumë të turpshëm”, ka thënë Martin.
VIDEO:
Frontmeni i grupit, Chris Martin, e komentoi live në koncert momentin duke sugjeruar se ata kanë një aferë, ka raportuar The New York Post.
“Ose kanë një aferë, ose janë thjesht shumë të turpshëm”, ka thënë Martin.
VIDEO:
Çifti është identifikuar si Andy Byron, CEO i kompanisë “Astronomer”, dhe Kristin Cabot, drejtoreshë e burimeve njerëzore në të njëjtën kompani. Të mërkurën mbrëma në stadiumin Gillette, afër Bostonit, ata u shfaqën në ekranin gjigant të koncertit ndërsa përqafoheshin. Byron kishte krahët rreth gjoksit të Cabot, dhe duart e tyre ishin të ndërthurura.
Në momentin kur e kuptuan se po shfaqeshin në ekran, Cabot mbuloi fytyrën me duar dhe u kthye mënjanë, ndërsa Byron u ul për t’u fshehur. Fillimisht, Chris Martin mendoi se kamera kishte kapur një moment të këndshëm dhe tha: “Shikoni këta të dy”, me një ton të ëmbël.
Por reagimi i tyre i çuditshëm e hutoi atë.
“Oh, çfarë?”, dëgjohet Martin në një video të shpërndarë në TikTok.
“Ose po kanë një aferë, ose janë shumë të turpshëm”, thotë tutje Martin ndërkohë që shton “O Zot! Shpresoj që nuk bëmë ndonjë gjë të keqe”.
Sipas të dhënave publike, Andy Byron është i martuar me Megan Kerrigan Byron, ndërsa Kristin Cabot është ndarë nga burri i saj, Kenneth Thornby. Ata kishin filluar procedurat për divorc në vitin 2018, dhe ndarja ishte finalizuar në vitin 2022. Ish-çifti ka të paktën një fëmijë dhe gjykata ka urdhëruar pagesën e një shume të njëhershme për përkrahje për fëmijën nga Thornby.
Byron dhe Cabot punojnë ngushtë në kompaninë “Astronomer”, e cila merret me inteligjencë artificiale dhe të dhëna, dhe vlerësohet rreth 1.2 miliardë dollarë. Kur Cabot u punësua në nëntor të vitit të kaluar, Byron kishte deklaruar se ajo ka aftësi të jashtëzakonshme udhëheqëse.
Byion dhe Cabot me kolegë në kompaninë "Astronomer"
“Ajo ka 20 vjet përvojë në HR dhe aftësi të jashtëzakonshme udhëheqëse”, ka thënë Byron.
Ndërsa vetë Cabot kishte shkruar në LinkedIn se bisedat me Byron përpara se të punësohej e kishin “motivuar për mundësitë në kompani”.
“Fitoj besimin e punonjësve në çdo nivel, nga CEO-t, te menaxherët e deri te asistentët”, ka shtuar ajo.
Ish-punonjës të Byron po e përqeshin publikisht situatën.
“Grupet e mesazheve janë duke qeshur me lot. Të gjithë po e shijojnë këtë moment dhe faktin që ai u zbulua”, ka thënë një ish-punonjës ndërkohë që ka shtuar se Byron ishte “shef toksik”.
Komentuesit online nuk kursyen ironinë.
“Kostoja e koncertit: hotel 200$, bileta 600$, ushqim/pije 150$, avokat për divorc 50,000$. Të të zërë kamera e Coldplay me kolegen me të cilën ke një aferë: e paçmueshme”, ka shkruar një përdorues në Instagram.
Ndërkohë, një përdorues në X (ish-Twitter) tha se gruaja e Byron kishte hequr mbiemrin e burrit nga profili i saj në Facebook dhe kishte lënë komentet të hapura. Pak më vonë, ajo e kishte fshirë tërësisht profilin pas komenteve të shumta që i referoheshin videos së koncertit.
Një video e ngarkuar në TikTok nga përdoruesja “Instaagraace” ka mbledhur miliona shikime dhe mbi 1.3 milion pëlqime që nga e enjtja në mëngjes.
Komentet në TikTok ishin të ashpra.
“Nuk ka asnjë arsye të besueshme që ata të reagonin ashtu, përveç nëse kanë një aferë. Pikë.”
“Nëse do e shihja burrin tim përqafuar me dashnoren në një koncert të Coldplay, do përfundoja në psikiatri”, ka shkruar një tjetër.
As “Astronomer”, as Byron e as Cabot nuk janë përgjigjur ndaj kërkesave për koment nga mediat, përfshirë “The New York Post”. Një zyrë e kompanisë në New York ka refuzuar të flasë për rastin.
