Ministria e Shëndetësisë informon se për shkak të ndërprerjes së furnizimit me ujë në Klinikën Universitare për Sëmundje të Mushkërive te Fëmijët “Kozle”, menjëherë është kërkuar nga Klinika Universitare për Sëmundje të Fëmijëve dhe Klinika Universitare për Sëmundje Infektive dhe Gjendje Febrile që përkohësisht të pranojnë pacientët që kanë nevojë për hospitalizim. Ndërkohë, në klinikën e “Kozle” do të vazhdohet me trajtimin e pacientëve në spitalin ditor dhe me ekzaminimet ambulatore.

“Kjo iniciativë ka për qëllim sigurimin e vazhdimësisë në trajtimin dhe kujdesin ndaj pacientëve më të vegjël. Ministria e Shëndetësisë po e ndjek nga afër situatën dhe, pas normalizimit të furnizimit me ujë në Klinikën Universitare për Sëmundje të Mushkërive te Fëmijët “Kozle”, do të vazhdohet pa pengesa me hospitalizimin e pacientëve në këtë institucion publik shëndetësor”, thonë nga Ministria e Shëndetësisë.