Kryeministri Edi Rama ka njoftuar përmes një postimi në Facebook për rrugën e re Ersekë – Leskovik, një investim strategjik që premton të transformojë jo vetëm lëvizjen në këtë zonë, por edhe të nxisë zhvillimin e qëndrueshëm ekonomik e social.

Sipas kreut të qeverisë, kjo rrugë nuk është thjesht një lidhje infrastrukturore që shkurton distancat, por një udhëtim magjepsës përmes natyrës së virgjër të juglindjes, që do të fuqizojë turizmin, do të mbështesë sipërmarrjen vendase, si dhe do të motivojë të rinjtë të qëndrojnë e të investojnë në vendlindjen e tyre.

“Rruga e re Ersekë – Leskovik, jo vetëm një investim që shkurton distancat, por një udhëtim magjepsës përmes natyrës së pazbuluar të kësaj zone, që nxit turizmin, zhvillon sipërmarrjen lokale, ruan traditën e motivon të rinjtë të mos emigrojnë por të investojnë në vendlindjet e tyre”, ka shkruar kryeministri Edi Rama në Facebook.