TV LIVE Radio
Nga Vendi
4 August 2025
Valdet Xhaferi alarmon: Banorët e fshatrave Zdunjë, Raven, Mirditë, Vërtok dhe Reçan po mbahen të izoluar nën një regjim të shtetit policor

Kryetari i degës së BDI-së në Gostivar, njëherit bartës liste për këshilltar komunal përmes një postimi ka alarmuar për gjendjen e banorëve të të fshatrave Zdunjë, Raven, Mirditë, Vërtok dhe Reçan po mbahen të izoluar nën një regjim të shtetit policor, të udhëhequr nga ministri i Punëve të Brendshme, Toshkovski, shkruan Top24

 

Arrestohen banorët e fshatit Zdunjë, u kufizohet liria e lëvizjes, fshatrat e Gostivarit izolohen!

Banorët e fshatrave Zdunjë, Raven, Mirditë, Vërtok dhe Reçan po mbahen të izoluar nën një regjim të shtetit policor, të udhëhequr nga ministri i Punëve të Brendshme, Toshkovski.

Prej disa ditësh me radhë, në kulmin e sezonit veror dhe në fluksin e mërgimtarëve, banorëve të kësaj ane të Gostivarit u është kufizuar liria e lëvizjes. Ata detyrohen të shfrytëzojnë rrugë alternative disa kilometra më tepër se sa ajo që është normale, për shkak të ndalimit të kalimit në udhëkryqin e Zdunjës, në hyrje të qytetit.

E gjithë kjo ndodh pas një vendimi të Ministrisë së Punëve të Brendshme, që u jep përparësi udhëtarëve drejt Ohrit!

Që fatkeqësia të jetë edhe më e madhe, sot janë arrestuar disa banorë të fshatit Zdunjë vetëm pse kanë dashur të kthehen në shtëpitë e tyre, nga rruga kryesore.

Shqetësimi i gjithë kësaj situate alarmante: Pse duhet të jenë më të vlefshëm udhëtarët që shkojnë në Ohër, sesa banorët e fshatrave të Gostivarit?!

Shtetit policor, dhunës dhe regjimit po u vjen fundi së shpejti, në tetor!



Të ndryshme
Më shumë

Radio Uskana - LIVE