Pas takimit në Alaskë me presidentin rus Vladimir Putin, presidenti i SHBA-së, Donald Trump, ka përmendur sërish konfliktet që ai pretendon se i ka ndalur, përfshirë edhe atë mes Kosovës dhe Serbisë.

“Kam negociuar përfundimin e pesë luftërave”, ka thënë ai derisa është ndaluar nga gazetari i “Fox News”, i cili ia ka numëruar ato – India-Pakistan, Izrael-Iran, Ruanda-Kongo, Serbia-Kosova, Kamboxhia-Tajlanda, Azerbajxhan-Armenia.

“Ju keni pasur rol në të gjitha këto [konflikte], apo jo?” e pyeti gazetari.

“Po,” u përgjigj Trump. “Bëmë diçka të jashtëzakonshme.”