Kryeministri Edi Rama ka ndarë mëngjesin e sotëm pamje nga Lëpusha e Kelmendit në Malësinë e Madhe.

Përmes një postimi në rrjete sociale, Rama e quan një nga perlat e Alpeve Shqiptare, destinacion që sipas tij s’duhet të mungojë në udhëtimet e të pasionuarve pas turizmit natyror.

“MIRËMËNGJES, dhe nga Lëpusha e Kelmendit në Malësi të Madhe, një mrekulli e Alpeve tona, e një destinacion që s’duhet të mungojë në udhëtimet e të pasionuarve pas turizmit natyror këtë verë, ju uroj një ditë të mbarë,” shkruan Rama në Facebook.

Lëpusha ndodhet në zemër të Kelmendit, rreth 95 kilometra nga Shkodra dhe është një prej destinacioneve më të veçanta të turizmit malor në Shqipëri.