Pajtime Mehmedi është emëruar drejtoreshë e Qendrës për Punë dhe Politikë Sociale në Kërçovë.
Ajo është e diplomuar në Fakultetin Ekonomik pranë Universitetit të Evropës Juglindore, ku ka përfunduar edhe studimet e magjistraturës në drejtimin Financa dhe Kontabilitet.
Mehmedi ka një përvojë të pasur profesionale në sektorin bankar, ku për dy vite ka qenë e angazhuar në TTK Bankë, ndërsa për katër vite të tjera në Halk Bankë. Prej prillit të vitit 2025 ajo ka ushtruar detyrën e Kontrollueses Financiare në Qendrën për Punë Sociale në Kërçovë.
Emërimi i saj në krye të institucionit vjen si kuadër i Lëvizjes Demokratike, pjesë e koalicionit Vlen, duke reflektuar marrëveshjet politike në kuadër të partneritetit qeverisës.
Me përvojën akademike dhe profesionale, Pajtime Mehmedi pritet të sjellë qasje të reja dhe efikase në drejtimin e institucionit që merret me çështje të rëndësishme sociale për qytetarët e Kërçovës.