Presidenti i Rusisë, Vladimir Putin, gjatë vizitës në Kinë, ka falënderuar Kim Jong Un-in për ndihmën ushtarake të dhënë për Rusinë në luftën në Ukrainë.

Putin tha se marrëdhëniet dypalëshe midis Rusisë dhe Koresë së Veriut janë miqësore dhe se ushtria e Phenianit ndihmoi në çlirimin e rajonit Kursk.

“Ushtarët tuaj luftuan me guxim dhe heroikisht. Nuk do t'i harrojmë kurrë sakrificat që kanë pësuar forcat tuaja të armatosura dhe familjet e ushtarakëve tuaj", tha Putin.

Të dy udhëheqësit u takuan në Pekin, gjatë paradës ushtarake, e cila përkujtoi 80-vjetorin e përfundimit të Luftës së Dytë Botërore në Azi.

Kjo shënoi herën e parë që udhëheqësi i Koresë së Veriut merr pjesë në një takim ndërkombëtar të liderëve botërorë./CNA