Komisioni kuvendor për mbikëqyrje të punës së Agjencisë për siguri kombëtare dhe Agjencisë për zbulim nesër në orën 10 do të mbajë mbledhje, rend dite të së cilës është Propozimi për konkludim për ushtrim të mbikëqyrjes ndaj punës së ASK-së. Sipas dakordimit, me të duhet të kryesojë kryetari i Komisionit, Skender Rexhepi.

Marrëveshje të këtillë arritën anëtarët e Komisionit, ndërsa për atë e informuan edhe kryetarin e Kuvendit, Afrim gashi.

“Vetë erdhën deri te marrëveshja dhe unë e respektoj atë”, deklaroi sot kryetari i Kuvendit gjatë brifingut me gazetarë.

Ditën e njejtë, pas mbledhjes, ata anëtarë të Komisionit të cilët kanë certifikatë sigurie, do të shkojnë në vizitë mbikëqyrëse në ASK.

Mbledhja e Komisionit u thirr me propozim të dpeutetit Ljupço Prenxhov pasi që në opinion doli informata se ASK gjatë periudhës prej vitit 2019 deri në vitin 2024 ka përgjuar kryeministrin Hristian Mickoski, lider i atëhershëm opozitar, gazetarë dhe biznesmenë.

Problemi me mbajtjen e mbledhjes u paraqit për shkak se kryetari i Komisionit, Skender Rexhepi nuk ka certifikatë sigurie, përkatësisht nuk ka marrë përgjigje nga Agjencia për siguri kombëtare, pas çka kryetari i Kuvendit në pajtim me mundësitë e tij që dalin nga Rregullorja e emëroi dpeuteten Sllavjanka Petrovskën ta kryesojë mbledhjen.

Drejtori i Agjencisë për siguri kombëtare, Bojan Hristovski në deklaratë për mediumet tha se i tërë dokumentacioni i është dërguar Prokurorisë, ndërsa kryeministri hristian Mickoski disa herë deri më tani ka deklaruar se pret që Prokuroria të veprojë.

Nga opozita kërkojnë deklasifikim të dokumentacionit, ndërsa në konferencapër shtyp, siç paralajmëruan, do ta zbardhin të vërtetën për rastin ASK.

Kryeministri Mickoski dje në fjalimin e tij gjatë festimit qendror të Ditës së pavarësisë tha se çështja nuk është nëse do të deklasifikohen materialet, por çështja e vërtetë është si të ndalen keqpërdorimet. Sipas Mickoskit, duhet të ketë përgjegjësi.

“Po ndiqet dhe përgjihet që nga vitet e 90-ta. Dhe një strukturë e njejtë, pothuajse njerëz dhe operativë të njejtë, të afërt me pushtetin e kaluar, operojnë me sistemin. Me hapat e këtillë goditen bazat e demokracisë, goditet rendi kushtetues, ndërklaq pasojat e një sistemi të tillë të shtrembëruar jo vetëm që shkatërrojnë gjenerata njerëzish, por edhe ta çojnë në rrezik tërë shtetin, ku e vendosin në pjatë sistemin e sigurisë. Goditjet e këtilla shkatërrojnë edhe fate njerëzish, më shpesh edhe duke trilluar situata, kontakte, duke shtuar gjëra që nuk ekzistojnë. Për këtë unë jam dëshmitar personalisht, duke e parë materialin nga ndjekja ime”, tha Mickoski.