Reperja e njohur botërore, Cardi B, po tregon afrimitet me shqiptarët.

Pas videos virale ku me humor kërkoi përkthimin e emrit të saj në shqip, ajo ka dhuruar një tjetër moment mbresëlënës.

Gjatë një feste madhështore për promovimin e albumit të saj të ri “Am I the Drama?”, Cardi B u fotografua pranë një të riu shqiptar me emrin Drino.

Fotot e publikuara në Instagram u përhapën me shpejtësi, ndërsa veçanërisht ra në sy flamuri kuq e zi me të cilin artistja ishte mbështjellë – një gjest që emocionoi publikun shqiptar dhe tregoi se ajo di të lidhet me kulturat që e mirëpresin.

Ky veprim u përjetua si më shumë se një rastësi, duke dëshmuar se lidhja e Cardi B me publikun shqiptar po bëhet gjithnjë e më e veçantë, duke forcuar krenarinë e komunitetit sa herë që ajo shfaqet pranë tyre.