Ishte sërish titullar e padyshim ndër më të mirët.

Arbër Hoxha po jeton momentin e tij të karrierës, ashtu si në fundin e dy sezoneve më parë, dhe ishte një nga heronjtë e Dinamos së Zagrebit që fitoi ndeshjen e parë në grup në Ligën e Europës.

Rivali ishte serioz, Fenerbahçe nga Stambolli, ndonëse pa Zhoze Murinjon në stol, veç me gjermano-italianin Domeniko Tedesko.

Kroatët triumfuan 3-1 dhe Hoxha shërbeu asistin për golin e dytë, por më shumë se kaq, ai ishte lojtari që I torturoi turqit.

Kështu shtuan “Jutarnji List” që thekson se ai bëri që trajneri të zëvendësonte Sojunxhunë, dhe pastaj mposhti edhe Semedon, dhe meritoi notën shumë të mirë 7.5

Vetëm Beljo, autor I dy golave, mori notë paksa më të lartë, 8.

Për momentin, Dinamo është në vendin e parë në renditjen e grupit në Ligën e Europës, edhe pse është luajtur vetëm një javë, e gjithsej do të jenë 8 të tilla.

Sidoqoftë, me formën e tillë të lojtarëve, përfshi edhe Hoxhën, ekzistojnë shanset që skuadra më e madhe e Kroacisë të jetë në një nga 8 vendet e para, pra të kualifikohet për në raundin e dytë, apo siç thonë në vendin ballkanas, ta kalojë pranverën në Europë.

Prova e radhës për Dinamon dhe yllin shqiptar është ndaj Makabit të Tel Avivit, ndeshje që do të luhet në Serbinë fqinjë./abcnews.al