Në derbin mes Uskanës dhe Kicevos ,vëmendja kryesore shkoi tek portieri Bertan Sefa i cili zhvilloi një ndeshje për t’u mbajtur mend. Me një seri pritjesh vendimtare, ai jo vetëm që ruajti portën e në momentet më të vështira, por edhe i dha skuadrës siguri e besim për të qëndruar në lojë deri në fund. Shkathtësia, vendosmëria dhe refleksat e tij të shpejta treguan qartë se ai është një portier i kalibrit të lartë.
Përtej pritjeve të shumta, Bertani tregoi edhe lidership të vërtetë, duke organizuar mbrojtjen dhe motivuar bashkëlojtarët në çdo situatë. Ishte shembull i një portieri modern: i qetë kur skuadra ishte nën presion, i shpejtë në reagim dhe i saktë në vendimmarrje.
Derbi Uskana–Kicevo e cila mbaroi 1-1 ,do të mbahet mend jo vetëm për emocionet që solli, por edhe për paraqitjen e shkëlqyer të Bertanit, i cili dëshmoi se është një prej shtyllave më të forta të skuadrës. Një performancë që meriton çdo lavdërim dhe respekt.