Qeveria britanike është zotuar të premten (03.10.2025) se do të dyfishojë përpjekjet për luftimin e antisemitizmit derisa komuniteti hebraik po mundohet ta rimarrë veten pas sulmit në sinagogën e Mançesterit që la të vdekur dy persona në Yon Kippur, dita më e shenjtë në kalendarin hebraik, raporton Reuters.

Qeveria izraelite ka akuzuar Britaninë se ka lejuar e papërmbajtur që të përhapet në mbarë qytetet britanike dhe në kampuset e saj universitare pas sulmit të 7 tetorit 2023 të “Hamasit”, duke shkaktuar luftën e Izraelit kundër Gazës.

Policia ka bërë të ditur të premten në mëngjes emrat e dy personave të vrarë si Adrian Daulby, 53 vjeç, dhe Melvin Cravitz, 66 vjeç, të dy banorë vendas.

Të dy burrat janë vrarë të enjten (02.10.2025) kur një burrë i dha makinës drejt kalimtarëve dhe pastaj i theri para sinagogës të kongregatës hebraike në Heaton Park në qytetin verior të Anglisë.

Policia ka thënë se emri i sulmuesit ishte Jihad al-Shamie, një shtetas britanik 35 vjeç me prejardhje nga Siria, i cili është qëlluar për vdekje në vendin e ngjarjes prej zyrtarëve policorë.

Ministrja e Brendshme britanike, Shabana Mahmood, ka thënë se i kupton e ndjeshmërisë prej të gjitha palëve për konfliktin në Gazë, porse është e rëndësishme që kjo të mos shkaktojë tensione në rrugët e Britanisë së Madhe.

“Ne do të bëjmë çfarëdo që kërkohet për ta mbajtur të sigurt komunitetin tonë hebraik”, ka deklaruar Mahmood për “Times Radio”. “Njerëzit do të shohin prani më të madhe policore në të gjitha qendrat e bashkësive – sidomos në sinagoga, por edhe në vendet e tjera të komunitetit”.

Antisemitizmi ka shënuar rritje rekorde në Britani pas sulmeve të tetorit 2023, me liderët hebraikë që kanë thënë se janë tmerruar prej marsheve të rregullta dhe të mëdha pro-palestineze në qytetet e mëdha, për të cilat thonë se promovojnë urrejtjen kundër hebrenjve.

Disa orë pas sulmit të së enjtes, shumë protesta pro-Palestinë janë mbajtur në qytetet britanike, me policinë që është përleshur me demonstruesit parapara “Doëning Streetit”, ku janë arrestuar 40 persona.

Mahmood ka thënë se protestat, të mbajtura pak orë pas sulmit, ishin jobritanike dhe të pandershme.

“Do t’i thirrje gjithsecilit që konsideron të protestojë të nesërmen ose pas dy ditësh që të bëjë një hap prapa dhe të tregojë humanitet dhe njëfarë dashamirësie ndaj një komunitetin që është në zi”, ka theksuar ajo.