Universiteti i Lincolnit në Mbretërinë e Bashkuar do të udhëheqë një projekt inteligjence artificiale (IA), transmeton Anadolu.

Ky projekt do të udhëheqë një grup prej shtatë universitetesh në Mbretërinë e Bashkuar, përfshirë universitetet Oxford dhe Cambridge, të përqendruar në zhvillimin e inteligjencës artificiale për të ndihmuar qeverinë dhe ushtrinë në situata të sigurisë kombëtare, të tilla si terrorizmi dhe kërcënimet kibernetike.

IA do të përdoret në wargaming me qëllim prodhimin e "zgjidhjeve më të mira që mundemi", tha zëvendëskancelari i universitetit.

"Do të përdoret për të kuptuar lëvizjet tona dhe lëvizjet e një armiku dhe ndoshta për të arritur në vendimmarrje më të mirë", tha Julian Free.

Ministria e Mbrojtjes e Mbretërisë së Bashkuar dha një kontratë kërkimore prej 1 milion paundësh (1.22 milion dollarë) për projektin.

Lojërat luftarake mund të ndihmojnë në formësimin e përgjigjes së qeverisë ndaj sfidave të ardhshme të sigurisë kombëtare që përfshijnë jo vetëm ushtrinë, por edhe shërbime të tjera si policia.

Këto skenarë mund të përfshijnë kërcënime nga kombe armiqësore, ndërprerje ekonomike ose emergjenca mjedisore.