Mbrëmjen e djeshme  në Vrapçisht u mbajt një tubim elektoral madhështor në mbështetje të kandidaturës së Isen Shabanit për kryetar të Komunës së Vrapçishtit.

Në këtë ngjarje morën pjesë shumë qytetarë nga komuna dhe rrethina, të cilët krijuan një atmosferë entuziaste dhe mbështetëse për kandidatin.

Gjatë fjalimit të tij, kryetari i BDI-së, Ali Ahmeti, deklaroi se në Vrapçisht “Isen Shabani fiton me nokaut”, duke theksuar se kundërshtarët tashmë “e kanë hedhur peshqirin”.

“Siç duket, doktor do mbetesh pa punë, sepse trajnerët e tyre kanë hedhur peshqirin e bardhë dhe duel nuk do ketë. Iseni do ta fitojë këtë garë pa ndonjë përpjekje me kundërkandidatin – se atë e kishim sjellë prej larg, e kishim pru,” tha Ahmeti.