Të paktën dy persona humbën jetën nga një tërmet i fuqishëm me magnitudë 7.4 ballë që goditi Filipinet sot , duke shkaktuar një paralajmërim për cunami që u hoq më vonë, thanë autoritetet.
Tërmeti goditi rreth 20 kilometra larg bregdetit të qytetit Manay në ishullin jugor të Mindanaos në orën 9:43 të mëngjesit sipas kohës lokale, sipas Shërbimit Gjeologjik të SHBA-së (USGS). Në qytetin e Matit, një person u vra nga shembja e një muri, tha policia, ndërsa një burrë pësoi një tronditje, tha për AFP zyra e menaxhimit të fatkeqësive të qytetit.
Instituti Filipinez i Vullkanologjisë dhe Sizmologjisë kishte paralajmëruar se pritej një “cunam katastrofik” “me valë të larta që ka të ngjarë të rrezikojnë jetët” në bregdetin lindor të arkipelagut. Banorëve përgjatë brigjeve të prekura iu bë thirrje të evakuonin zonat e tyre si masë paraprake.
Qendra e Paralajmërimit për Cunam në Paqësor (PTWC) më pas e hoqi paralajmërimin për cunami për Filipinet, Palaun dhe Indonezinë.
