Fjolla Morina ka rigjetur dashurinë, mesa duket pas sfidave me shëndetin mendor që u përball pas problemeve me drejtësinë dhe ndarjes nga biznesmeni Fisnik Syla.

Këngëtarja ka publikuar foto krah partnerit të saj të ri në rrjetet sociale, teksa konsumojnë darkë së bashku në restorant.

“Dashuria ime”, shkroi Fjolla Morina, krahas imazhit ku pozon me mashkullin që i ka rrëmbyer zemrën.

Gjithashtu postoi një foto në InstaStory, ku shfaqet duke puthur në faqe partnerin.

Ndërsa është përfolur se mashkulli që i ka rrëmbyer zemrën është sheik në Dubai, Fjolla Morina në një intervistë në nëntor 2024, u shpreh se ishte nga shqiptar, por që ka bizneset në Emiratet e Bashkuara.

Këngëtarja deklaroi se kishin caktuar datën e lindjes së saj, 15 prill, për t’u martuar dhe se dasma do të ishte gjigande, por nuk dimë nëse këngëtarja është martuar.

Fjolla Morina rrëfeu në atë kohë se ishte e lumtur, duke shtuar se “ishalla nuk bëhem pishman dhe ndahem”.

“Është biznesmen, nuk jeton këtu jeton jashtë shtetit, në Dubai. Shqiptar është, por me biznese në Dubai. Martesa është shumë shpejt. Vitin tjetër e kemi lënë nga muaji prill, ishalla nuk bëhem pishman, nuk ndahem me të (qesh). Për ditëlindjen e kam lënë, më 15 Prill. Kam pak kohë që jam në një lidhej me të, ky djali më do shumë, por tani nuk i dihet.

Do të bëjmë dasmë gjigande, kështu më ka thënë. Më ka thënë që do dasmë gjigande, me tupana. Jam shumë e lumtur, unaza do të jetë speciale”, tregoi këngëtarja.

Këngëtarja kaloi një gjendje të rënduar psikologjike pas ndarjes nga biznesmeni Fisnik Syla dhe dënimit me burg pasi u kap me armë në Morinë.