Shqipëria dhe Anglia nesër përballen në orën 18:00, në “Air Albania Stadium”, në ndeshjen e fundit të Grupit K për kualifikueset e Kupës së Botës 2026. Ky takim vjen pas një historie të gjatë përballjesh mes dy përfaqësueseve, ku Anglia ka shfaqur gjithmonë dominim, me 7 fitore në 7 takime të luajtura deri tani dhe me një golaverazh të përgjithshëm 21-1.
Ndeshja e parë zyrtare mes tyre u luajt më 8 mars 1989 në Tiranë, në stadiumin “Qemal Stafa”, ku Anglia fitoi 2-0 me gola të John Barnes në minutën e 16-të dhe Bryan Robson në minutën e 63-të.
Ndeshja e dytë e kualifikueseve për Botërorin 1990 në “Wembley” solli një tjetër fitore të thellë angleze, më 26 prill 1989, ku Anglia mposhti Shqipërinë 5-0. Golat u shënuan nga Gary Lineker (5’), Peter Beardsley (12’ dhe 64’), Chris Waddle (72’) dhe Paul Gascoigne (88’), duke treguar fuqinë sulmuese të skuadrës së atëhershme.
Më 28 mars 2001, Shqipëria e mikpriti Anglinë sërish në Tiranë dhe pësoi humbje 3-1, me golat e anglezëve nga Michael Owen (73’), Paul Scholes (85’) dhe Andrew Cole (96’), ndërsa për Shqipërinë shënoi Altin Rraklli në minutën e 91-të, i vetmi gol nga përfaqësuesja shqiptare ndaj anglezëve.
Në shtator të po atij viti, Anglia fitoi përsëri në “St James” Park me rezultatin 2-0, duke shënuar golat me Michael Owen (43’) dhe Robbie Fowler (88’).
Pas një periudhe të gjatë, dy kombëtaret u përballën më 28 mars 2021 në “Arenën Kombëtare” në Tiranë, ku Anglia fitoi 2-0 me gola të Harry Kane (38’) dhe Mason Mount (63’).
Më 12 nëntor 2021, në Wembley Stadium, Anglia realizoi një fitore 5-0 me gola të Maguire (9’), Harry Kane (18’, 33’, 45’+1’) dhe Jordan Henderson (28’).
Më 21 mars 2025, në të njëjtin stadium, Anglia fitoi përsëri 2-0 me gola të Myles Lewis‑Skelly (20’) dhe Harry Kane (77’) në kuadër të kualifikimeve të Grupit K për Botërorin 2026.
Historiku tregon qartë dominimin anglez, por ndeshja e 16 nëntorit do të jetë një mundësi e artë për Shqipërinë që të kërkojë një rezultat pozitiv në shtëpi.
Trajneri Sylvinho dhe lojtarët shpresojnë se mbështetja e tifozëve dhe përgatitja e mirë mund t’i ndihmojnë të bëjnë historinë dhe të marrin pikët e para kundër “Tre Luanëve”.
8 mars 1989 – Tiranë (Qemal Stafa)
Shqipëria 0–2 Anglia
Golat: John Barnes (16’), Bryan Robson (63’)
Kualifikueset e Botërorit Itali 1990
26 prill 1989 – Angli 5–0 Shqipëria (Wembley)
Golat: Gary Lineker (5’), Peter Beardsley (12’), Peter Beardsley (64’), Chris Waddle (72’), Paul Gascoigne (88’)
28 mars 2001 – Tiranë (Qemal Stafa)
Shqipëria 1–3 Anglia
Golat: Owen (73’), Scholes (85’), Cole (96’); Rraklli (91’).
5 shtator 2001 – St James’ Park
Anglia 2–0 Shqipëria
Golat: Michael Owen (43’), Robbie Fowler (88’).
28 mars 2021 – Tiranë (Arena Kombëtare)
Shqipëria 0–2 Anglia
Golat: Harry Kane (38’), Mason Mount (63’).
Kualifikueset e Botërorit 2022
12 nëntor 2021 – Wembley Stadium
Anglia 5–0 Shqipëria
Golat: Maguire (9’), Kane (18’, 33’, 45’+1’), Henderson (28’).
21 mars 2025 – Wembley Stadium
Anglia 2–0 Shqipëria
Golat: Lewis-Skelly (20’), Harry Kane (77’).
