Prokuroria Themelore Publike në Shkup ka ngritur aktakuzë kundër një 23-vjeçari nga Vollkova, pasi janë siguruar prova se ai ka kryer akte të tjera seksuale me një vajzë nën moshën 15 vjeç, në përputhje me nenin 188, paragrafi 5 i Kodit Penal.

– Në periudhën nga maji deri në korrik të këtij viti, i pandehuri e ka detyruar një vajzë pesëvjeçare të kryejë akte seksuale në shtëpinë e tij dhe e ka kërcënuar se nuk duhet t’i tregojë babait të saj, njofton Prokuroria.

Së bashku me aktakuzën, prokurori publik kompetent i ka paraqitur gjykatës edhe një propozim për zgjatjen e masës së paraburgimit të përcaktuar më parë për të pandehurin. VOXAL