Në televotimin e parë të Big Brother VIP Kosova 4, banorja Shkurta Haxhiu rezultoi si më pak e votuara nga publiku.

Lajmi fillimisht iu kumtua si një “eliminim” nga shtëpia, por në fakt Shkurta nuk ishte larguar nga BBVK.

Banorja do të dërgohet në një aneks prej xhami të shtëpisë, ku do të qëndrojë deri në një njoftim tjetër nga Vëllai i Madh. Ky zhvillim ka qenë një surprizë për Shkurtën, e cila në momentin që e kuptoi se nuk ishte eliminuar, shpërtheu në lot.

Emocioni i saj i sinqertë prek edhe moderatorin Alaudin Hamiti, i cili u përlot nga reagimi i banores gjatë këtij momenti.

Ky episod i BBVK 4 ka rikthyer në qendër të vëmendjes fuqinë emocionale të banorëve dhe reagimet e papritura ndaj televotimeve, duke e bërë spektaklin më të pasur me momente të forta për publikun. /Telegrafi