Policë nga Sektori i Punëve të Brendshme (SPB) Ohër arrestuan sot në orën 10:00 një të mitur 16-vjeçar nga Ohri, nën dyshim se ka kryer veprën penale të abuzimit seksual ndaj një vajze 12-vjeçare, gjithashtu nga Ohri, transmeton Portalb.mk.  

Sipas informacioneve të para nga MPB, ngjarja ka ndodhur më 12 nëntor 2025, dhe e gjithë veprimi është incizuar nga një tjetër i mitur. 

Nga SPB Ohër bëjnë të ditur se një 14-vjeçar ka marrë këtë material video dhe e ka përdorur për shantazh, duke kërcënuar vajzën se do ta publikojë videon nëse ajo nuk pranon të jetë me të. 

Policia e Ohrit thotë se po ndërmerr masa edhe për kapjen e të miturit tjetër të përfshirë. 

Vajza ka kaluar ekzaminim mjekësor, ndërsa punonjës policie dhe përfaqësues të Qendrës për Punë Sociale Ohër kanë zhvilluar bisedë zyrtare me të, në prani të prindit. 

SPB Ohër njofton se pas dokumentimit të plotë të ngjarjes dhe në konsultim me prokurorin publik, kundër të gjithë autorëve do të ngrihen kallëzime të përshtatshme penale.