Gazetari dhe njëherit kryeredaktori i gazetës Koha, në një postim në Facebook, ka reaguar ndaj metodologjisë me të cilën qytetarët detyrohen të paguajnë faturat ndaj EVN-së.
Postimi i plotë i gazetarit Vedat Mehmedalija:
Nëse harxhon 5000 denarë energji elektrike, EVN të detyron të paguash 9600 denarë. Po, plus 4600 denarë mbi atë që ke shpenzuar realisht.
Dhe ku fshihen këto para? Në dy rreshta poshtë pikës "energji e harxhuar":
1. Distribuimi i energjisë: 2300 denarë për telat!
2. Qasja në elektrosistem: 2300 denarë për orëmatësin!
Kjo është e njëjta sikur 1kg sheqer që kushton 40 denarë, por qytetari paguan +18 denarë hyrjen në market dhe +18 denarë transportin e sheqerit, që në fund 1kg sheqer ta blesh për 76 denarë!
Asnjë vend normal nuk e ngarkon qytetarin dyfish për të njëjtën energji.
Kjo nuk është faturë - kjo është vjedhje legale! E ndihmuar nga shteti! Jo tani, por që vazhdon me vite!
P.S. Ani kanë futur Bllok 1, 2 dhe 3. Sa më shumë të harxhosh, aq më shumë rritet plusi te dy pikat e vjedhjes (telat dhe orëmatësin). Dhe, asnjë ankesë e qytetarëve nuk fitohet dot në Gjykatë.
