Një nga miliarderët më të njohur në botë ka bërë një donacion të madh për Ahmed al Ahmed, 43 vjeç, tregtar frutash dhe heroi i sulmit terrorist në Bondi të Australisë, i cili po vlerësohet gjerësisht për aktin e tij të jashtëzakonshëm të guximit.

Al Ahmed u bë simbol i rezistencës gjatë sulmit të së dielës në Bondi Beach, kur ndërhyri dhe neutralizoi një nga autorët e ngjarjes. Pamjet e publikuara tregojnë babain e dy fëmijëve duke iu afruar nga pas njërit prej sulmuesve, Sajid Akram, në parkun e Bondit, në momentin kur ai po qëllonte drejt njerëzve që po festonin festën hebraike Hanuka.

Me një lëvizje të shpejtë, al Ahmed e kap sulmuesin 50‑vjeçar dhe arrin t’i heqë armën nga duart. Akram rrëzohet në tokë, ndërsa 43-vjeçari e drejton armën drejt tij, duke e detyruar të largohet. Sulmi që i mori jetën 15 personave u krye nga Akram dhe djali i tij 24‑vjeçar, Naveed.

Aktit të guximit të 43-vjeçarit i është bërë jehonë në mbarë botën, ndërsa donacioni i madh i miliarderit shihet si një vlerësim i fortë për rolin e tij vendimtar në parandalimin e një tragjedie edhe më të madhe.

/rtsh.al/