Policia belge përdori gaz lotsjellës dhe të ashtuquajturit topa uji të enjten, pasi protesta e fermerëve kundër marrëveshjes së tregtisë së lirë BE–Mercosur u bë e dhunshme, përcjell TV21. Disa protestues hodhën gurë dhe patate drejt policisë dhe thyen xhama.

Policia ndërhyri kur dhuna u përshkallëzua dhe tentoi të arrestojë disa nga protestuesit. Reuters raporton se në një moment, një traktor u drejtua drejt një rreshti policësh, megjithëse nuk ka goditur askënd, ndërsa disa protestues sulmuan edhe gazetarët.

Fermerët të revoltuar kanë hedhur tonelata të patateve në rrugë, të cilat shkaktuan probleme në komunikacion, ndërsa disa qytetarë shfrytëzuan momentin për të marrë patate falas.