Kickboxeri grek', Giannis Tsoukalas, u lëndua pas një ndeshjeje të WKU World Kickboxing në kategorinë -67 kilogramë, e cila u kthye në kaos të dielën në Novi Pazar, Serbi. Sipas raportimeve, spektatorë dhe anëtarë të ekipit kundërshtar depërtuan në ring dhe e sulmuan Tsoukalas.

Tsoukalas kishte fituar ndaj serbit Vahid Kicara me nokaut, një rezultat që shkaktoi reagime të ashpra dhe pakënaqësi tek publiku. Pak momente pas përfundimit të ndeshjes, një grup personash hyri në ring dhe sulmoi sportistin grek, duke i shkaktuar lëndime. Situata u përshkallëzua shpejt kur të tjerë iu bashkuan përleshjes, dhe raportohet se rreth 50 persona morën pjesë në konfliktin pas ndeshjes.

Tsoukalas u dërgua më pas në një spital në Beograd, ku iu bënë ekzaminime mjekësore parandalues. Stafi mjekësor konfirmoi se gjendja e tij nuk ishte serioze dhe u largua nga spitali. Aktualisht, sportisti është rikthyer në Greqi.

Ngjarja ka tronditur komunitetin e ‘kickboxing’-ut dhe ka ngritur shqetësime për sigurinë në evenimente sportive, duke theksuar nevojën për masa më strikte për të parandaluar dhunën pas ndeshjeve.