Kryetari i Komunës së Kërçovës, Aleksandar Jovanovski, mbrëmë vizitoi shërbimet që kujdesen për shëndetin dhe sigurinë e qytetarëve. Ai qëndroi në Spitalin e Përgjithshëm të Kërçovës, ku vizitoi punonjësit shëndetësorë në detyrë, si dhe në Sektorin për Punë të Brendshme Kërçovë.  Jovanovski zhvilloi një takim edhe me zjarrfikësit në detyrë nga NJTPZ Kërçovë.

“Në çastet e para të vitit të ri 2026, me nder dhe respekt të veçantë vizitova shërbimet në detyrë të qytetit tonë – profesionistë të vërtetë dhe heronj të heshtur që ruajnë sigurinë tonë 24 orë në ditë, aty ku përgjegjësia nuk ka pauzë.

Ndërsa shumica feston, ata në heshtje dhe me përgjegjësi e kryejnë detyrën e tyre.

Gjendja në qytet është stabile dhe nën kontroll të plotë. Sipas informatave të marra, nuk janë regjistruar incidente apo ngjarje të padëshiruara, ndërsa atmosfera e Vitit të Ri po zhvillohet në mënyrën më të mirë të mundshme, ashtu siç i ka hije një shoqërie urbane dhe moderne.

Me këtë rast, shpreh mirënjohje për angazhimin e tyre të vazhdueshëm, sakrificën, profesionalizmin dhe kompetencën.

Qoftë e mbarë dhe e begatë viti 2026!”, ka shkruar Jovanovski në një postim në Facebook.