Doganierët dhe ekipet mobile të doganës parandaluan përpjekje për kontrabandë të 103 telefona mobilë, mbi dy tonelata banane, 500 pako suplemente, 400 litra vaj ulliri, 53 litra vaj I fares së zezë, 24 kilogramë duhan të thyer, pajisje për SPA, rreth 400 copa kozmetikë, mbi 100 parfume nga marka të njohura, si dhe shpendë shtëpiakë.
Në vijim detajet:
• Në kalimin kufitar Tabanovc, doganierët në tre raste konfiskuan 500 pako suplemente, pajisje për automjete, mjete për punë ndërtimore dhe pajisje të tjera speciale të shtrenjta me një vlerë totale prej mbi 1.2 milionë denarë. Me këtë është parandaluar një përpjekje për shmangien e pagesës së taksave prej 428 mijë denarë.
Në tri raste të tjera, doganierët në kalimin kufitar Deve Bajer gjatë kontrollit të makinave dhe autobusëve parandaluan përpjekje për kontrabandë të mbi 130 parfumëve, përfshirë marka si “Armani”, Marc Jacobs, Jean Paul Gaultier. Shoferët, edhe pse u pyetën nëse kishin diçka për të deklaruar, nuk thanë asgjë, dhe për shkak të dyshimeve për deklaratat e tyre, u krye një kontroll i detajuar, ku u gjetën produktet e padeklaruara. Në autobus, produktet ishin fshehur në bagazh, ndërsa në automobila, parfumet me firma të markave të njohura ishin zbuluar në hapësirën fabrikore të bagazhit, në një kutinë për biçikletë, në sediljet e pasme, si dhe në valixhë midis rrobave të paketuar.
Për autorët, shtetas maqedonas, janë ndërmarrë procedura të përshtatshme – në pesë raste është ngritur procedurë administrative, ndërsa në një rast është ngritur procedurë penale përpara Prokurorisë Themelore Publike të Kumanovës.
• Inspektorët nga Departamenti i Operacioneve gjatë kontrollit të automjeteve në kalimet kufitare, në pjesën e brendshme të vendit dhe gjatë kontrollit të mallrave, parandaluan më shumë përpjekje për kontrabandë. U konfiskuan pajisje për SPA, një sasi më të madhe rrobash, pjesë automobili, mjete, 15 litra për lyerjen e agrumeve, 234 copa kozmetikë për fytyrën dhe flokët, 53 litra vaj i fares së zezë, një mijë copa reflektorë LED dhe panele LED që shkelin të drejtat e pronësisë intelektuale, shtrëngues për mallra dhe produkte të tjera për të cilat autorët u munduan të shmangin pagesën e taksave ndaj shtetit.
Në një rast të zbuluar në pjesën e brendshme të vendit, dy shtetas të Maqedonisë u kapën duke shkarkuar mallra nga një autobus në automjete pasagjerësh, për të cilat nuk kishin as dokumente dhe as prova për pagesën e taksave të importit. Kundër të gjithë personave janë ndërmarrë procedura përkatëse.
• Doganierët nga dogana e Gjevgjelisë parandaluan përpjekje për kontrabandë të 2.3 ton banane dhe 400 litra vaj ulliri. Përpjekja për kontrabandë të bananeve u zbulua në pikën doganore të Gjevgjelisë gjatë kontrollit të një ngarkese të deklaruar për import doganor, ku u zbulua se një sasi më e madhe bananesh nuk ishte përfshirë në dokumentet doganore, duke tentuar importuesi të shmangë pagesën e taksave. Përpjekja për kontrabandë të 400 litra vaj ulliri u zbulua në kalimin kufitar Dojran gjatë kontrollit të një automjeti të drejtuar nga një shtetas gjerman.
• 24 kilogramë duhan i thyer pa pulla akcize u gjetën në bagazhin e një automobili me targa maqedonase, i drejtuar nga një shtetas i Maqedonisë së Veriut, gjatë një kontrolli të kryer nga doganierët në daljen nga pika doganore Zona e Lirë Bunarxhik.
• Doganierët në kalimin kufitar Dellçevë, në dy raste të ndara, gjatë kontrollit të një automobili dhe një kamioni, zbuluan përpjekje për kontrabandë të pjesëve të kamionëve, 100 litra vaj sintetik motorik, mjete, dron dhe komponentët e tij, aparat fotografik dhe mallra të tjera. Të gjithë produktet e zbuluara u konfiskuan, dhe kundër autorëve u ngritën procedura përkatëse.
• Në kalimin kufitar Deve Bair në daljen nga shteti, doganierët zbuluan 103 telefona të përdorur “iPhone” dhe “Blackberry” që një shtetas bullgar po tentonte t’i kontrabandojë. Telefonët u zbuluan gjatë kontrollit të automjetit që udhëtonte, në një kuti të mbuluar me një xhaketë dhe një çantë.
