Champions League thërret Interin në një test pjekurie. Në “San Siro” sot në mbrëmje do të zbarkojë Arsenali, që nga forma dhe statistikat është skuadra më e fortë e Europës. Të besuarit e Artetës kanë dominuar Champions-in me gjashtë fitore në gjashtë ndeshje, 17 gola të shënuar dhe një të pësuar.

Zikaltrit duan patjetër një rezultat pozitiv që të sigurojnë kualifikimin direkt në fazën e 1/8-ave të Champions-it për të shmandur dy sfidat e “Play Off”-it. Trajneri do të kërkojë të konfirmojë formën e kampionatit, por dy sfidat e fundit Europiane me Atletikon dhe Liverpulin nuk japin shpresë. Italianët nuk dinë të fitojnë një ndeshje të madhe dhe kjo tabu duhet thyer.

“Jemi të vetëdijshëm për rëndësinë që ka kjo ndeshje. Arsenali është një skuadër e fortë, por futemi si të barabartë në fushën e lojës”, shprehet Kristian Chivu, trajner i Interit.

Mbrëmja është e rëndësishme edhe për Sitin që do të luajë në transfertë kundër Bodo Glimtit dhe për Realin e Madridit që pret Monakon me synimin për 3 pikët dhe për të siguruar biletëm direkt për në fazën e ardhshme të Champions-it. Napolit nuk i falen më hapat fals kundër Kopenhagenit, pasi rrezikon eliminimin nga ky kompeticion.

Ndeshjet:

Kairat Almaty-Club Brugge           16:30

Bodo Glimt-Man. City                    18:45

Copenhagen-Napoli                        21:00

Inter-Arsenal                                   21:00

Olympiacos-Leverkusen                 21:00

Real Madrid-Monaco                     21:00

Sporting-PSG                                 21:00

Tottenham-Dortmund                   21:00

Villareal-Ajax                                 21:00

TV Klan

/tvklan.al