Të paktën 12 palestinezë kanë vdekur këtë mëngjes në sulmet izraelite në pjesën jugore dhe veriore të Rripit të Gazës, njoftuan spitalet në Gaza.

Ky është një nga sulmet izraelite me numrin më të madh të viktimave që nga hyrja në fuqi e armëpushimit në Rripin e Gazës më 10 tetor.

Sulmet kanë goditur zona në veriun dhe jugun e Rripit të Gazës, përfshirë një ndërtesë banimi në qytetin e Gazës dhe një tendë në Khan Yunis, thanë përfaqësues zyrtarë të spitalit. Ata shtuan se mes viktimave ka dy gra dhe gjashtë fëmijë.

Ministria e Shëndetësisë në Gaza, e cila është nën kontrollin e Hamasit, njoftoi se më shumë se 500 palestinezë janë vrarë në sulmet izraelite që nga fillimi i armëpushimit më 10 tetor.