Grupi parlamentar i LSDM-së dhe koalicioni sot sërish e dorëzoi Projektligjin për ndryshimin e Ligjin për Pagën Minimale, pasi paraprakisht ishte kthyer nga kryetari i Kuvendit Afrim Gashi për shkak të, siç theksoi, mangësive teknike.

Kryetari i LSDM-së dhe deputet Venko Filipce në konferencën e sotme për shtyp në Kuvend deklaroi se presin që ligji të vihet në rend dite gjatë këtij muaji. Ai tha se në periudhën e ardhshme do të shihet nëse procedura e kthimit është bërë me qëllim, siç thotë, të shtyhet shqyrtimi i tij.

 Filipçe theksoi se LSDM-ja mbështet plotësisht kërkesat e Lidhjes së Sindikatave për pagën minimale prej 600 euro, duke vlerësuar se punëtorët meritojnë një “jetë dinjitoze”, veçanërisht, thotë, në kushte kur shporta sindikale tejkalon 65.000 denarë. Si burime të mundshme të mjeteve, ai përmendi kategoritë buxhetore për shpenzime udhëtimi dhe prezentim, nga të cilat, sipas tij, mund të sigurohen mjetet.

 Ai përsëriti se shteti, sipastij, shteti mund t’i subvencionojë kontributet për rritjen e pagave në sektorin privat në mënyrë që likuiditeti i kompanive të mos prishet.

Filipce kritikoi pushtetin për paralajmërimet për blerjen e një aeroplani të ri qeveritar, duke e vlerësuar atë si “plëngprishje” në kushtet kur qytetarët protestojnë për paga më të larta. 

 Grupi parlamentar i LSDM-së do të paraqesë edhe ndryshime në Ligjin për Nëpunësit Administrativë. Sipas Filipçes, ndryshimet që Qeveria i bëri më parë çuan në uljen e pagave të nëpunësve në Kuvend për 30 për qind, që, siç vlerësoi, kompromenton pavarësinë e shtëpisë ligjvënëse. Ai kërkoi mbështetje nga të gjithë deputetët që të kthehet niveli paraprak i të ardhurave.