Ishte një rilindje e re, e mbështetur në djersën, përpjekjen dhe sakrificën tonë të përbashkët — një përkushtim që nuk u ndal as nga largësia, as nga vështirësitë. U ringjall shkollimi i ndaluar për dekada. Tradita jonë u shfaq me dinjitet në shtetet më të zhvilluara të botës. Me disiplinë, me kulturë dhe me vetëdije të lartë kombëtare, arritëm të prezantojmë qytetari, mirësjellje dhe trashëgimi të lashtë — ilire, dardane, arbërore, shqiptare. Gjermania na hapi dyert, pas saj Austria, miqësisht dhe me mirëkuptim. Helvetia — Zvicra e lashtë dhe moderne — na priti si vëllezër. Që nga viti 1978, zhvilluam veprimtari revolucionare, të mbështetura në normat vendore dhe në parimet ndërkombëtare të drejtësisë, duke vepruar me përgjegjësi dhe me bindje të thellë për të drejtën tonë. Sot ecim të bashkuar, drejt së ardhmes sonë dhe të popujve përparimtarë, me besim, me dinjitet dhe me frymë bashkimi kombëtar.