Këshilltarët e AKI-së në Këshillin Komunal të Kërçovës ngritën shqetësimin e banorëve lidhur me pretendimet për ndërtimin e një deponie të përkohshme në afërsi të fshatrave Trapçindoll dhe Reshtan, si dhe pranë varrezave myslimane të qytetit.
Sipas tyre, edhe pse Komuna e Kërçovës ka mohuar këto pretendime përmes një reagimi në rrjetet sociale, është e nevojshme që institucionet të japin një përgjigje zyrtare dhe transparente. Këshilltari i AKI-së, Ilir Rushani, kërkoi që Komuna e Kërçovës dhe Këshilli Komunal t’u përgjigjen banorëve me shkrim, në mënyrë zyrtare, për të sqaruar plotësisht situatën dhe për të larguar çdo paqartësi.

Këshilltari Rushani, ai pati edhe një sugjerim për kryesuesin e Këshillit Komunal, Ajhan Sulkoski.