Oda Ekonomike e Maqedonisë së Veriut mbajti mbledhje në Kërçovë, ku u diskutua potenciali i qytetit për zhvillimin e një nyje multimodale transporti. Sipas këtij koncepti, mallrat që do të arrijnë në Kërçovë do të transferohen drejt kufirit me Shqipërinë dhe portit të Durrësit.
Në takim morën pjesë kryetari i Odës Ekonomike , Branko Azeski, kryetari i Komunës së Kërçovës Aleksandar Jovanovski dhe përfaqësues të odave rajonale. Ata diskutuan gjithashtu për gjendjen ekonomike, prioritetet infrastrukturore dhe mbështetjen e bizneseve lokale.
Ky projekt pritet të ulë kostot e transportit dhe të rrisë kapacitetet logjistike në rajon.