Seedance 2.0, një model i ri i inteligjencës artificiale i zhvilluar nga kompania kineze ByteDance, mund të krijojë video me cilësi kinematografike, me efekte zanore dhe dialog, vetëm nga pak udhëzime të shkruara.

Disa klipe të bëra me këtë mjet, duke përfshirë personazhe të njohura si Spider-Man dhe Deadpool, u bënë virale, duke shkaktuar akuza për shkelje të të drejtave të autorit nga Disney dhe Paramount.

Ekspertët paralajmërojnë se kjo teknologji ndryshon rrënjësisht industrinë kreative, pasi mund të rrisë ndjeshëm cilësinë e produkteve me buxhete të vogla dhe të hapë mundësi për zhanre më komplekse, si aksion, fantazi dhe dramat historike.

Njëkohësisht, kjo rrit sfidat ligjore për përdorimin e personazheve të mbrojtura nga të drejtat e autorit.

Seedance 2.0 tregon se Kina po avancon fuqishëm në AI, duke sfiduar kompanitë perëndimore në teknologji gjeneruese dhe duke e vendosur AI-në në qendër të strategjisë ekonomike dhe teknologjike të vendit./ CNA