Këshilli organizativ i protestave kundër hedhjes së mbeturinave në gropat e TEC-it të Osllomesë, pranë fshatrave të ish-Komunës së Osllomesë, sot ka zhvilluar një takim me kryetarin e Komunës së Kërçovës, Aleksandar Jovanovski.
Pas takimit, përfaqësuesi i këshillit organizativ, Shefki Imeti, deklaroi se është arritur marrëveshje me kryetarin e komunës për ndërprerjen e hedhjes së mbeturinave në atë zonë. Por ai theksoi se banorët do të vazhdojnë të jenë në mbikëqyrje të vazhdueshme të situatës në terren, për t’u siguruar që marrëveshja të zbatohet plotësisht.

Edhe  kryetari i Komunës së Kërçovës, Aleksandar Jovanovski, konfirmoi se është rënë dakord me banorët për ndërprerjen e hedhjes së mbeturinave në gropat e TEC-it të Osllomesë