Në Komunën e Kërçovës sot u mbajt aktiviteti prezantues i Programit IPA III për Bashkëpunim Ndërkufitar Maqedonia e Veriut – Shqipëri 2021–2027, i financuar nga Bashkimi Evropian, me moton “Krijojmë të ardhmen e përbashkët”.
Në këtë aktivitet morën pjesë përfaqësues nga Ministria e Pushtetit Lokal e Republikës së Maqedonisë së Veriut, si dhe nga Agjencioni Shtetëror për Programim Strategjik dhe Koordinim të Asistencës (SASPAC) nga Republika e Shqipërisë. Ata prezantuan prioritetet, mundësitë e financimit dhe thirrjet e reja në kuadër të programit të bashkëpunimit ndërkufitar, i cili synon forcimin e partneritetit mes institucioneve dhe komuniteteve në të dy anët e kufirit.