Banorët e lagjes “Prilepska” në Kërçovë, të cilët prej disa javësh janë strehuar në palestrën sportive në Ivanidoll pas vërshimeve që përfshinë këtë lagje, thonë se nga autoritetet u është kërkuar të kthehen në shtëpitë e tyre.
Megjithatë, ata shprehen të revoltuar duke theksuar se kushtet në shtëpitë e tyre nuk plotësojnë as kushtet elementare për jetesë. Sipas tyre, shumë prej shtëpive  që janë të shkaktuara nga vërshimet nuk janë sanuar ende.
Banorët gjithashtu thonë se deri më tani nuk kanë marrë asnjë ndihmë konkrete nga Komuna e Kërçovës për tejkalimin e situatës së krijuar pas vërshimeve, ndërsa kërkojnë mbështetje institucionale për të rikthyer jetën në normalitet.
Ata po ashtu ankohen edhe për mbeturinat e krijuara pas vërshimeve të cilat akoma nuk janë pasturar.