Lideri i Bashkimit Demokratik për Integrim, Ali Ahmeti gjatë ditës së sotme në nderim të Epopesë së Ushtrisë Çlirimtare Kombëtare u prit në Kullën e Jasharajve nga kryefamiljari Rifat Jashari.

“Në odën e Jasharajve me rastin e Epopesë së UÇK-së, së bashku me Rifat Jasharin kujtuam momentet më të mira të heronjëve tanë, të cilët dhanë jetën për lirinë e Kosovës.

Familja Jashari mbetet shembull që duhet ndjekur, frymëzim për të sakrifikuar gjithëçka nga jeta jonë për të ardhmen e gjeneratave të reja.” ka shkruar Ali Ahmeti.