Në prag të 7 Marsit – Ditës së Mësuesit, Shkolla Fillore “Rexhë Rushit Zajazi” organizoi një program të pasur kulturor-artistik për të shënuar këtë datë të rëndësishme të historisë sonë kombëtare.
Ky aktivitet u realizua për të përkujtuar edhe hapjen e mësonjëtores së parë në gjuhën shqipe më 7 mars të vitit 1887 në Korçë, një ngjarje që shënon një moment të rëndësishëm në zhvillimin e arsimit dhe kulturës shqiptare.
Me këtë rast, drejtori i shkollës, Naser Ismaili, në fjalën e tij theksoi rëndësinë e kësaj date për arsimin shqiptar dhe rolin e mësuesit në edukimin e brezave të rinj. Ai gjithashtu përcolli  porosinë për të qenë të unifikuar në përballimin e sfidave në të ardhmen.

Pas fjalës së drejtorit, në skenë u paraqitën nxënësit e shkollës me pika të ndryshme artistike, recitime dhe këngë të dedikuara kësaj dite të veçantë.Ndrësa të pranishmit panë nga afër edhe ekspozitën me punimet e nxënësve të kësaj shkolle.