Bazat amerikane në Irak kanë qenë në shënjestër të një sulmi me dron sipas BBC. Dyshohet se pas sulmit qëndron Irani, ndërsa nuk raportohet për njerëz të lënduar.

Dyshohet se pas sulmit qëndron Irani, ndërsa nuk raportohet për njerëz të lënduar.

Droni goditi Qendrën e Mbështetjes Diplomatike, pranë aeroportit të Bagdadit, duke rënë afër një kulle roje. Sipas raportimeve, gjithsej gjashtë dronë u nisën drejt kompleksit dhe pesë u rrëzuan para se të arrinin objektivin.

Sulmi dyshohet të ketë ardhur nga grupet që operojnë nën koalicionin Rezistenca Islamike në Irak (IRI), të cilat kanë intensifikuar sulmet pas fillimit të operacioneve të SHBA-ve dhe Izraelit kundër Iranit.

Në veriun e Irakut, të paktën tre dronë u kapën pranë Erbilit, në rajonin gjysmë-autonom të Kurdistanit, pa viktima të raportuara. Baza ushtarake amerikane pranë aeroportit të Erbilit ka qenë shpesh objektiv i sulmeve hakmarrëse të milicive pro-iraniane.