Deputetja Valbona Adili, përmes një postimi nga Bukureshti, ka përmendur mbi lidhjen historike d mes këtij qyteti dhe banorëve të Kërçova.

Ajo theksoi se Bukureshti nuk është vetëm një kryeqytet modern evropian, por edhe një vend me kujtime të gjalla për shumë familje kërçovare. Në dekadat e kaluara, ky metropol u bë një “shtëpi e dytë” për shumë qytetarë nga Kërçova, të cilët emigruan drejt Rumanisë në kërkim të punës dhe një jete më të mirë.

Sipas Adilit, përkushtimi dhe sakrifica e tyre krijuan jo vetëm jetë të reja, por edhe ura të forta lidhjeje mes vendlindjes dhe Bukureshtit. Pavarësisht sfidave dhe punëve të rënda, ata arritën të ruajnë identitetin dhe lidhjet me origjinën e tyre.

“Për shumë prej tyre, Bukureshti nuk ishte thjesht një vend pune, por një kapitull i rëndësishëm i jetës, i mbushur me shpresa, ëndrra dhe sakrifica,” – theksoi ajo.

Deputetja shtoi se edhe sot, këto kujtime jetojnë në rrëfimet familjare, duke e bërë Bukureshtin një pjesë të pandashme të historisë kolektive të kërçovarëve.