Nga Ministria e Punëve të Brendshme njoftojnë se gjatë ditës së djeshme, Policia ka arrestuar një të punësuar në MPB, për shkak se u njëjti po voziste veturë në drejtim të kundërt, ndërsa gjithashtu u soll me agresivitet ndaj policëve, përcjell TV21.

“Më 01.04.2026, punonjësit e policisë arrestuan S.R. (45), i punësuar në Sektorin për Çështje të Përgjithshme dhe të Përbashkëta të MPB-së. Gjatë kryerjes së rregullimit fizik të komunikacionit, në kryqëzimin e rrugës “Jordan Mijallkov” me rrugën “Dimçe Mirçev” në Shkup, një polic nga SPB Shkup ndaloi një veturë “Mercedes” të drejtuar nga S.R., që po lëvizte në drejtim të kundërt dhe po parakalonte një kolone automjetesh. Kur iu kërkua dokument identifikimi, S.R. u prezantua si punonjës i MPB-së dhe deklaroi se nuk kishte letërnjoftim, pas çka filloi të kishte sjellje agresive dhe t’i kërcënonte policin. Polici e arrestoi S.R. dhe njoftoi Departamentin për Kontroll të Brendshëm, Hetime Kriminalistike dhe Standardet Profesionale, pas së cilës i janë ngritur kallëzime përkatëse sipas: nenit 23, paragrafi 3, nenit 54, paragrafi 3 dhe nenit 86, paragrafi 8 të Ligjit për Sigurinë e Trafikut Rrugor, nenit 4 të Ligjit për Shkeljet e Rendit dhe Qetësisë Publike dhe nenit 15, paragrafi 2 të Ligjit për Letërnjoftime”, thonë nga MPB.