Konferenca Ndërkombëtare e Çairit, e organizuar nga Aleanca Kombëtare e Këshilltareve Bashkiake në bashkëpunim me Komunën e Çairit, mblodhi pjesëmarrës të shumtë për të diskutuar mbi rolin dhe sfidat e gruas shqiptare në shoqëri dhe politikë.

Në këtë konferencë, Kërçova u përfaqësua nga deputetja Valbona Adili Emini dhe Albulena Demiri Zendeli, të cilat u paraqitën me kontributet e tyre në panele të ndryshme.

Deputetja Valbona Adili Emini theksoi se, në cilësinë e panelistes në Konferencën Ndërkombëtare të Çairit 2028, foli mbi temën: “Imazhi politik i gruas shqiptare: lidership, paqe dhe identitet europian”. Sipas saj, gjatë këtij paneli u trajtuan çështje me rëndësi të veçantë që ndërlidhen me rolin dhe përfaqësimin e gruas shqiptare në jetën politike, duke vënë theks të veçantë në zhvillimin e lidershipit transformues, kontributin në proceset e paqes dhe sigurisë, si dhe përkushtimin ndaj vlerave dhe proceseve integruese europiane.

Ndërkohë, Albulena Demiri Zendeli ishte pjesë e panelit në Konferencën Ndërkombëtare të Çairit 2026 me të njëjtën temë. Ajo e cilësoi këtë si një mundësi të vyer për të diskutuar mbi rolin, sfidat dhe kontributin e gruas shqiptare në ndërtimin e një shoqërie më të drejtë dhe me vizion evropian.

Në fjalën e saj, Demiri Zendeli theksoi se fuqizimi i grave nuk është thjesht një çështje e barazisë gjinore, por një domosdoshmëri për zhvillimin e qëndrueshëm të një vendi. Sipas saj, kur gratë marrin pjesë në politikë dhe qeverisje, vendimet bëhen më gjithëpërfshirëse, më të drejta dhe më të ndjeshme ndaj nevojave të qytetarëve.

Konferenca rikonfirmoi rëndësinë e rritjes së përfaqësimit të grave në vendimmarrje dhe fuqizimit të rolit të tyre në proceset demokratike dhe integrues