Ministri i Ekonomisë, Besar Durmishi, ka zhvilluar një sërë takimesh gjatë qëndrimit në Shtetet e Bashkuara të Amerikës, duke i cilësuar ato si të rëndësishme për avancimin e bashkëpunimit strategjik.

Përmes një postimi, Durmishi bëri të ditur se dita ka qenë e ngjeshur me takime si në United States Department of State ashtu edhe në United States Congress.

Sipas tij, këto takime synojnë forcimin e partneriteteve strategjike dhe krijimin e mundësive për iniciativa konkrete që lidhen drejtpërdrejt me zhvillimin ekonomik dhe tregun e punës në Maqedoninë e Veriut.

Durmishi theksoi se angazhimi i institucioneve është i fokusuar në rezultate konkrete që do të ndikojnë në përmirësimin e klimës ekonomike dhe rritjen e mundësive për qytetarët.