Edhe në qytetin e Strumicës, brenda këtij viti, do të fillojë të funksionojë sistemi i monitorimit me kamera “Safe City” (Qytet i Sigurt). Ky lajm u bë i ditur pas takimit të punës ndërmjet Drejtorit të Byronë për Siguri Publike, Aleksandar Janev, dhe kryetarit të Komunës së Strumicës, Petar Jankov.

Gjatë takimit u diskutua për hapat e implementimit të këtij sistemi, me qëllim rritjen e sigurisë për të gjithë pjesëmarrësit në komunikacion. Akcent i veçantë do t’i kushtohet mbrojtjes së këmbësorëve, si dhe optimizimit të burimeve dhe avancimit të infrastrukturës rrugore.

Palët ranë dakord se investimi i vazhdueshëm në zgjidhje moderne dhe qasja e koordinuar ndërmjet institucioneve qendrore dhe vetëqeverisjes lokale janë kyçe për krijimin e një mjedisi më të sigurt rrugor.

Projekti “Safe City” tashmë është funksional në Shkup, Tetovë dhe Kumanovë, ndërsa pas Strumicës, ka paralajmërime se ky sistem së shpejti do të fillojë të zbatohet edhe në qytetin e Velesit.

Ky sistem pritet të ndihmojë policinë në identifikimin e shkeljeve të rregullave të trafikut dhe në parandalimin e veprave kriminale, duke rritur sigurinë e përgjithshme publike në këto qytete.(INA)