Në një reflektim të gjatë për sulmin në Kuvendin e Maqedonisë në vitin 2017, Remzi Mehmedi nënkyrtar i ASH -krahu i Ziadin Selës e cilëson 27 Prillin si një ndër momentet më të rëndësishme politike në vend, që sipas tij ka lënë gjurmë të thella në funksionimin e shtetit dhe marrëdhëniet ndëretnike. Ai argumenton se ngjarjet e asaj dite kishin një qëllim të dyfishtë: ndalimin e një ndryshimi politik që do të orientonte vendin drejt një rruge tjetër dhe njëkohësisht dërgimin e një mesazhi frikësues për të gjithë ata që do të angazhoheshin për ndryshime të ngjashme në të ardhmen. Në këtë kontekst, Mehmedi rikujton zhvillimet politike të asaj periudhe, rolin e faktorëve të ndryshëm dhe pasojat që, sipas tij, vazhdojnë të reflektohen edhe sot në skenën politike.
Në postimin e plotë në FB,Remzi Mehmedi shkruan:
Më 27 Prill ata nuk deshin të vrasin njeriun por MODELIN
Jo të gjithë momentet dhe veprimet shënojnë epokë. 
27 Prilli është moment që len gjurmë , shënon epokë dhe nxjerr shumë mësime për të djeshmen, të tashmen dhe të ardhëmen mbi të vërtetën substanciale në çfarë shteti jetojmë, si funksionon ky shtet dhe si në të vërtetë janë raportet dhe kohezioni etnik por edhe veprimi institucional i shtetit që ngre pikëpyetje dhe dilema shumë serioze dhe të themelta mbi shumëçka...Mbi gjithëçka. Nëse tërhiqet  paralele mes dy periudhave, po njejtë edhe atëhere si sot, jetonim në periudhë politike kur ishte në ofenzivë qeveria e kohës për të etabluar mendësinë e cila nuk përkon me realitetin as demografik, as ekonomik e as politik që ky shtet i përket vetëm një etnie dhe se etnitë tjera duhet trajtuar si pakica të pa rëndësishme në vendimëmarrje dhe të shërbejnë si dekor në qeverisjet e një pas njëshme vetëm e vetëm për t'u kamufluar realiteti në sytë e botës. Sigurisht që kjo gjendje u bë e pa durueshme dhe impononte riorganizim të ri politik, me platformë dhe ekip njerëzish që nuk janë të shantazhueshëm dhe që janë të gatshëm për sakrificë shumë dimensionale në shërbim të ndryshimit që u konstatua si nevojë e domosdoshme dhe jo luks. Pa dyshim se në këtë betejë kishte edhe organizime e zëra të ndryshëm, disa të vërtetë por pa " takat " real për të bart mbi supe kauza të këtilla e disa të sponsoruar e infiltruar në po të njëjtën betejë për të bërë edhe më të dendur mjegullën politike dhe për të defokusuar shqiptarët në drejtim të përcaktimit se cilin organizim politik do të fuqizojnë për të ardhëmen. Me mbarimin e zgjedhjeve të 2016 organizimi ynë politik me në kryje Ziadin Sela nuk rezultoi të jetë më i legjitimuari por në kontekst të raportit numerik të forcave pilitike të kohës, rezultoi të ishte përcaktuesi. Pa dyshim që ky raport forcash përcaktoi rolet e të gjithëve. Përcaktoi kush për çfarë është në skenë, kush prej kujtë e nga kush kontrollohet dhe kjo u bë aq e qartë sa nuk fshihej më me asnjë kamuflim prandaj zgjidhja e fundit ishte vrasja, zhdukja e kësaj fryme, e këtij organizimi dhe 27 Prilli ishte dita e ekzekutimit të frymes për efekt të dyfishtë: të ndalet në moment ndryshimi epokal që orjentonte shtetin në mënyre drastike nga një përcaktim që çonte në theqafje, në përcaktimin pro perendimor si nevojë e domosdoshme dhe e dyta për të frikësuar tē gjithë ata që në të ardhem do të kishin gatishmëri për përcaktime të ngjashme. Akti ndodhi, sipas tyre me sukes, u vra udheheqesi, si rrjedhoje do vritet edhe organizata bashkē me të edhe fryma.Festuan, u krenuan për mision të kryer me sukses. Por Zoti nuk ishte me ata, mrekullisht Ziadini mbeti gjallë fizikisht dhe nga zhdukja e festuar e frymes dhe organizatës, ajo u ringjallë si Feniks dhe u shumëfishua nē kuptim të forcës politike. U shendrrua në faktor të pa kontestueshem. Mirëpo qëllimi i tyre nuk ndali, u këthyen serish te metoda fullestare, krijim mjegulle, shtim të dendësisë sē mjegullës tash më me plot vullnetar nga brenda që po kjo organizatë ju kishte dhënë shumëçka, disa se paku 10 fish mbi kpacitetin, takatin dhe meritën. Festuan sërish se metodatat e reja ja dolën por festa kësaj radhe ishte me zë më të mekur nga frika e Rilindjes si model tash më tē krijuar nga ne. Historia përsëritet, rrethanat politike diktojnë katarsis të skenes politike dhe ne jemi po aty, bashkë me Ziadin Selën për të rilindur tash më edhe më fuqishëm.